Biblían á mannamáli - Hlaðvarp fyrir lífið

Birkir Már Kristinsson er með okkur til að fjalla um miðvikudag-föstudags í páskavikunni. Efnið er: konan og olían; síðasta kvöldmáltíðin; handtaka Jesú og krossfestingin.

Dagarnir sýna kærleika Guðs, sem hefur lagt allt í sölurnar fyrir mannkynið. Þátturinn opinberar djúpa ást Guðs til mannkynsins og gefur skilning inn í andlegt ferðalag okkar allra. 

Velkomin í Biblíuna á Mannamáli.

Páskavikan í þessum þætti fjallar um mánudag og þriðjudag, samkvæmt Markúsi: fíkjutréð, sem engan ávöxt bar; Jesú, sem virðist svolítið pirraður í musterinu; og merkingu alls þessa í ljósi spádóma Gamla testamentisins.

Við ræðum tengslin við Jeremía og aðra spámenn; dæmisöguna um víngarðinn og hvernig Markús sýnir okkur, að allt þetta táknar endalok hefðbundinna trúarforma og undirbúning fyrir nýtt tímabil í Guðs ríki.

Velkomin í Biblíuna mannamáli, hlaðvarp fyrir lífið. Í páskavikunni ætlum við, í fjórum þáttum, að skoða atburðarásina í lífi Jesú þessa síðustu daga hans á jörð. Í þessum fyrsta þætti, á Pálmasunnudegi er það innreiðin inn í Jerúsalem. 

Við viljum skilja bakgrunninn; hvar var staðan í Jerúsalem; inn í hvaða umhverfi er Jesús að koma, osf. Það voru nefnilega tvær fylkingar að koma til borgarinnar þennan dag, tvær "skrúðgöngur" af algjörlega ólíkum uppruna. 

Velkomin í "Biblían á mannamáli". Í þessum fyrsta þætti af fjórum, í páska-þáttaröðinni, rifjum við upp hvernig og af hverju við lesum Biblíuna í ljósi Jesú Krists.

Við skoðum stigvaxandi opinberun Guðs og hvernig Jesús er þar lykillinn að skilningi okkar á Orðinu. Þar með hefjum við ferðina inn í atburði páskanna. 

Hver veit nema eitthvað nýtt ljúkist upp fyrir okkur, eitthvað sem getur gjörbreytt sýn okkar á hlutina.

Sæl verið þið og velkomin. Í þessum þætti byrjum við á molanum, þar sem skoðum hvernig Guð leiðir og tekur okkur inn í fjölskyldu sína — sjálfsmynd okkar byggist á náð hans, ekki eignum, framgangi, mistökum eða veikleikum.

Síðan ræðum við markverða kennslu Jesú úr Markúsarguðspjalli, um unga manninn sem spyr hvað hana skorti til að öðlast eilíft líf. Jesús kallar hann til að losa sig undan fjötrum auðæfanna og þjóna aðeins Guði. Eru þá peningarnir illir? Við skoðum það.

Molinn kemur úr Sálmi 91; hvernig við getum falið líf okkar í Guðs hendur, treyst á vernd hans og kærleika í ölduróti lífsins.

Markús 9:30–37 fjallar um að Jesús boðaði dauða sinn og upprisu og kenndi lærisveinum sínum að sannur leiðtogi þjónar öðrum. Hann kenndi þjónandi forystu, langt á undan öllum. Hér heyrum við hann kenna um það hvernig Guðs ríki kemur á jörðu og að náið samfélag Guðs og manna sé þar lykilatriði. 

Velkomin í hlaðvarpið okkar, Biblían á mannamáli, hlaðvarp fyrir lífið. - Þessum þætti má enginn missa af!

Í þættinum er rætt við Birki Má Kristinsson, eiganda og framkvæmdastjóra Náttúruhlaupa. Birkir segir okkur frá  lífi sínu og starfi fyrir Náttúruhlaup; hvernig útivist, hreyfing og tenging við náttúruna hafa styrkt bæði líkama og sál. Við ræðum líka persónulega trúarupplifun Birkis og andlegt ferðalag, í leit hans að djúpum tilgangi og raunveruleika.

Velkomin í hlaðvarpið: Þátturinn fjallar um Veg Guðs á jörð; mikilvægi einlægrar bænar og hvernig trú skapar frið, gleði og miskunn.

Persónulegar sögur og umræður um kraftaverk með brauðin sýna nákvæmni Guðs og að náð hans nær til alls mannkyns. Hvatning til að biðja frá hjartanu og lifa á vegi kærleikans.