Biblían á mannamáli - Hlaðvarp fyrir lífið

Í þættinum er fjallað um það vald sem virkar bak við tjöldin. Með myndrænum samanburði við kvikmyndina Matrix er rætt um val milli bláu og rauðu pillunnar, eða andlegrar uppgötvunar, og hvað það þýðir fyrir einstaklinga og samfélagið í heild.

Rætt er um ábyrgð okkar gagnvart ungu fólki, framtíð landsins, um trú, von og aðgerðir til að færa meira ljós og líf í landið — hvatning til að velja lífið og vinna saman að betri heimi.

Í þessum þætti af Betri heimur skoðum við áhrifavaldana „bak við tjöldin“, falskt sjálf og speki þessarar aldar sem mótar hugsun og hegðun.

Hlustendur eru hvattir til að leita opinberunar Guðs og láta kærleika og sannleika móta lífið. Njóttu ferðalagsins.

Í þessum þætti af Betri heimur skoðum við betur merkingu Guðsríkisins, hvernig Jesús kom með og boðar nýtt heimsfyrirkomulag; hvernig það byrjar í hjörtum einstaklinga og breiðist um heiminn. Ríki Guðs er ekki guðræði með klerkastjórn: nei, stjórnarhættir Jesú eru mikið öðruvísi. 

Rætt er um tengsl Gamla og Nýja testamentisins, uppfyllingu spádóma, stjórnunarhætti Guðs og vonina um að himinn og jörð verði eitt — og hvað þetta kallar okkur til að rækta innra líf og vinna að betri heimi.

Í þessum þætti af Betri heimur ræðum við um Guðs ríki, reynum að skilgreina það í mjög stuttu máli og byrjum að skoða hvernig það gerir heiminn betri. 

Þátturinn hvetur okkur til að rifja upp kristnu söguna okkar, leita nærveru Guðs, biðja og vinna að réttlæti, friði og kærleika. 

Í þessum þætti af Betri Heimur fjallar þáttastjórnandinn um hvernig við getum lagt okkar af mörgum til betri heims. Hann beinir sjónum að því hvernig stórar sem smáar "sögur" móta heimsmynd okkar. Í umróti samtímans er nauðsynlegt að staldra við og endurskoða hvað hægt er að gera til að bæta heiminn.

Þátturinn skoðar hvernig einstaklingshyggja, neysluhyggja, siðferðisleg afstæðishyggja og önnur einkenni nútíma heimsmyndar hafa áhrif á samfélagið og hvernig kristin trú getur verið lykillinn að betri framtíð. Með kærleikann sem leiðarljós kallar þáttastjórnandinn eftir innri umbreytingu til að ná fram betri heimi.

Stór-Muftinn í Jerúsalem: Í þessum lokaþætti um Ísrael-Palestínu er fjallað um eðli þeirrar baráttu sem bæði upphafsmenn palestínskrar hugmyndafræði og palestínsk stjórnvöld standa fyrir. Snýst hún um land, eða eitthvað allt annað?

Samskiptin milli trúar og stjórnmála í Palestínu: Við greinum frá því hvernig frumkvöðlar palestínskrar hugmyndafræði ólu á hatri en ekki friðarumleitunum. Hver voru tengsl nasista og leiðtoga Palestínumanna? Hvar stendur Hamas í öllu þessu?

Í þessum þætti af 'Betri Heimur' er tekið á sögulegum staðreyndum um ríki Palestínu og staðhæfingum um nýlendustjórn Gyðinga. Um hvað snýst deila Ísraels og Palestínumanna í raun og veru. Hvernig teygir baráttan anga sína alla leið í líf og huga okkar Vesturlandabúa? Hver er munurinn á mannkynssögunni og umskrifaðri mannkynssögu?

Í þessum þætti af podcastinu Betri Heimur er áfram fjallað um flókna sögu Ísraels og Palestínu. Við ræðum sögulegar staðreyndir og leyfum þeim að varpa ljósi á deilurnar um réttarstöðu þjóðanna. Er virkilega til hópur fólks sem vill aðskilja Gyðinga frá Ísrael og útiloka þá sem þjóð í landinu og er það mögulegt að sagan sé viljandi brengluð til að ná fram því markmiði? Í þættinum fáum við svar og brenglunin byrjar strax með Hadríanusi keisrara.