Saga - Menning - Samhengi - Trú
Biblían á mannamáli er hlaðvarp, þar sem við lesum saman í Nýja testamentinu og ræðum textann á einföldu, skýru og lifandi máli. Við tengjum Gamla og Nýja testamentið; rýnum í Biblíuna með kærleikann að leiðarljósi; eigum viðtal við alls konar fólk og hressum upp á sálartetrið með góðum gullmola. Markmiðið er að gera þennan forna texta, sem hefur mótað menningu okkar og sögu, aðgengilegan fyrir alla.
Episodes
5 days ago
5 days ago
Velkomin í þáttinn „Biblían á mannamáli“. Molinn í þessum þætti er úr Rómverjabréfinu, þar sem sagt er að Guð vinni allt til góðs, jafnvel í óvissu og þjáningu.
Við skoðum tengslin milli páska gyðinga og kristinnar páskahátíðar: páskalambið í Gamla testamentinu og uppfylling þess í því sem Jesús Kristur gerði með krossdauða sínum og upprisu. Biblían talar til okkar í dæmisögum og líkingum, þar sem alltaf er að finna samsvörun milli þess náttúrulega og hins himneska.
Þátturinn tengir saman sögulega framvindu og andlega merkingu, ræðir líf frumkirkjunnar eftir upprisuna og býður hlustendum von, óttaleysi og upplýsingar um hvernig biblíuleg túlkun leiðir til frelsis og nýs lífs.
No comments yet. Be the first to say something!