Saga - Menning - Samhengi - Trú
Biblían á mannamáli er daglegt hlaðvarp, þar sem við lesum Nýja testamentið saman og ræðum textann á einföldu, skýru og lifandi máli. Við tengjum Gamla og Nýja testamentið; rýnum í Biblíuna með kærleikann að leiðarljósi; eigum viðtal við alls konar fólk og hressum upp á sálartetrið með góðu gullkorni hvern dag. Markmiðið er að gera þennan forna texta, sem hefur mótað menningu okkar og sögu, aðgengilegan fyrir alla.
Episodes
Saturday Dec 13, 2025
Saturday Dec 13, 2025
Í þessum þætti kynnum við til sögunnar nýja hlaðvarpsröð „Biblían á mannamáli“ — aðgengilega og daglega umfjöllun um Nýja testamentið með tengingu við Gamla testamentið. Hlaðvarpið hefur göngu sína í ársbyrjun 2026. Markmiðið er að skýra innihald og söguþráð Biblíunnar; finna lifandi og aðgengilegt innsæi; og draga fram gullkorn sem styrkja daglegt líf.
Hlaðvarpið er ætlað öllum, hvort sem er leitandi fólki, trúuðu fólki eða vantrúuðu. Allt sem þarf, er áhugi á einhverju eftirfarandi: menningu, sögulegu samhengi, heimspeki, tilvistarspurningum, trú, persónulegu þroskaferli eða Guði.
No comments yet. Be the first to say something!